Horman poxpoloz egindako marrazkiak

Etxeko konbustioak: akasdun heroiak. 2002

Horma gainean jarritako 4000 egurrezko poxpolo.

Proiektu hau gauzatu nuenean Brooklynen bizi nintzen, New Yorken. Proiektuko bi lekuen inplikazioaren emaitza izan zen azken lana. Honetarako, 2000 poxpolo baino gehiago sartu nituen nire maletan eta Habanako antolatzaileei eskatu nien beste 2000 poxpolo eros zitzaten. 4000 poxpoloek Supermanen ikur erraldoi bat osatu zuten horman. “S” hizkiak amerikar ikonografia zekarren berekin eta baita kubatarra ere, bi aldeak baitzeuden ordezkatuta bakoitza bere poxpoloekin. Azken froga beren konbustioa zen eta beraz, honetarako, ezinbestekoa zen poxpolo guztiek berdin parte har zezaten proiektu komunean. Emaitza: suaren garrasiaren eta errautsen isiltasunaren artekoa.