Elkarrizketen laburpenak
GORKA DE LA PEÑA
– Rafael Montan oso arkitekto garrantzitsua da eta ez bakarrik Bilbo hiriko arkitekturarako: Bere lanak elementu aski garrantzitsuak dauzka, Bilboko panorama gaindi-tzen laguntzen diotenak.
– Fontanek, 30 urteetako ikuspegi modernoari eusten dio, 40ko hamarkadaren erdian, une horretako testuinguru historiko eta erregimen politikoaren kontrara.
– Fontanek modernitaterako sinbolo handi bat sortu nahi du, igogailuaren bidez. Sinbolo handi honek Bilbo hiri industriala nolakoa den adierazi behar du, hiri honek duen kemena eta potentzia azalduz. Igogailuak, garraioaren eta komunikazioen ikur gisa, makina-sinbolo handi bat sor dezake.
– Ez dago Begoñako igogailuaren moduko erreferentzia asko nazioartean. Fontanek hiriko alderdi konplexu batean plantea-tzen
zitzaion aparteko egitasmo honetarako aukera eta lengoaia ikusi zituen, eta areago, proiektu honetarako hartu behar zuen eran-tzuna ere bai. Horiek guztiak agerian uzten dute arkitektoaren eta proiektuaren kalitatea.
– Arkitektura Bilbon eremu ezezagun bat izan da. Industrializazioaren pisu erraldoiak estaltzen eta, batzuetan, suntsitzen zuen XIX. eta XX. mendeetako ondasun arkitektoniko garaikidea Bilbon. Errealitate oso garrantzitsu hori orain ari da berreskuratzen.
– Begoñako igogailua berreskuratu beharra dago, orduko Bilbo Handiaren sinbolo handia bilakatzeko. Erreferentzia hau etorkizunerako erreferentzia ere izan daiteke.
– Eraikinak 60 urte ditu, baina hiriarentzat eraikin hori ezezaguna, berria da.
